- Çərşənbə axşamı
Avqust 25, 2019

İnsan Hüquqları üzrə Araşdırma Mərkəzi

Ayətullah Seyid Həsən Amili: İnşallah, tezliklə Qarabağda cümə namazı qılacağıq

2019/03/03, 16:32


Ayətullah Seyid Həsən Amili: İnşallah, tezliklə Qarabağda cümə namazı qılacağıq

Ayətullah Seyid Həsən Amili Ərdəbilin cümə namazı xütbələrində Qarabağın Azərbaycana aid olmasını vurğulayıb, Azərbaycan və Naxçıvan əhalisinin İran vasitəsilə əlaqə saxlaya bilməsini, Tehranda Xocalı faciəsini əks etdirən rəsm sərgisi, Qarabağın işğalını pisləmək istiqamətində bir sıra konfrans və toplantıların keçiriliməsini İranın Azərbaycan xalqına dəstəyi istiqamətində baş tutduğunu deyib

Həqiqət QHT (Truth NGO) -  Ayətullah Seyid Həsən Amili Ərdəbilin cümə namazı xütbələrində Qarabağın Azərbaycana aid olduğunu vurğulayıb və İranın yüksək səviyyəli rəsmiləri tərəfindən dəfələrlə bu mövzuya təkid olunduğunu bildirib.Ərdəbilin imam cüməsi deyib: “Hər iranlı və İranda yaşayan hər bir azəri bilir ki, Qarabağ və Azərbaycan torpaqlarının 20 faizi Ermənistan tərəfindən işğal edilib.”
AranNews-un verdiyi xəbərə görə, İmam cümə ötən bir neçə onillikdə İranın Azərbaycana dəstəyinin müstəsna olduğunu, bu dəstəklərin hərbi və maddi sahələrdə davam etdiyini deyib, Azərbaycan əhalisinin Naxçıvanla əlaqəsinin İran vasitəsilə olmasını bu dəstəklərin bir hissəsi adlandırıb.
Seyid Həsən Amili İranın Azərbaycan xalqına dəstək verməyə təkid etməsinə də toxunaraq deyib: “Hətta, Azərbaycan Respublikasının Lənkəran şəhərindən sionist rejim PUA-sı bizim nüvə məntəqələrimizdə casusluq etmək üçün hərəkətə keçsə də, yenə biz Azərbaycan xalqına dəstək verməkdən əl götürməyəcəyik.”
Ərdəbil imam cüməsi daha sonra deyib: “Xocalı soyqırımının ildönümü günlərində Azərbaycan xalqına dəstək vermək və Ermənistanın Xocalıda törətdiyi cinayəti pisləmək məqsədilə Tehranın mərkəzində rəsm sərgisi təşkil edildi. Dünyanın müxtəlif ölkələrindən yüzlərlə insan bu sərgini seyr etdi.”
Xətib bu il və ötən illərdə İranın Tehran, Zəncan, Ərdəbil, Təbriz və digər şəhərlərində Qarabağa dəstək istiqamətində keçirilən toplantılara da işarə edərək deyib: “Bu bizim əsas siyasətimizdir. Əgər bu siyasətlər dəyişsə, əmin olun ki, biz yenə də siz etirazçıların yanında olacağıq.”
Seyid Həsən Amili vurğulayıb: “Tezliklə Qarabağda cümə namazı qılacağıq və Qarabağı işğalçılardan təmizləməklə, azadlıq bayramı keçirəcəyik.”

Tag və ya açar söz

Azərbaycan، İran، Qarabağ münaqişəsi، erməni işğalı، erməni terroru، İranın yardımı، Ərdəbilin imam

Şərh göndər

Truthngo səmimi şəkildə təkliflərinizi qəbul edir və onları prioritet və diqqətlə yoxlayır.

Şərhiniz

Rəyiniz

Oxşar xəbərlər

free website counter